ديور جوي DIOR JOY
أهلا بيكو في أول مدونة للعطور بالعربي! أنا شيرين مهووسة بالعطور و المزيكا :) هنا هحلل و أوصف و أعرض لكو العطور الأصلية الجديدة و القديمة الي بتنزل لنا في مصر و العالم العربي و أقولكوا هي مناسبة لسن أو شخصيات إيه في رأيي،مكوناتها و ثباتها و أحسن اوقات استخدامها،و كمان أرخص الأماكن الي ممكن نشتريها منها أوريجينال أو تستر و تكون أصلية بعيد عن أسعار المحلات المبالغ فيها بنفتح البلوج و نرش ميه🔻 و أول عطر أفتتح بيه أول مدونة عطور بالعربي هو عطر جديد من (ديور)،اسمه جوي صدر ف شهر أغسطس الي فات،بس لسه واصل مصر مؤخرا.عطور ديور كلها متميزة من زمان !بثباتها،وبرضه بأسعارها العالية الى بتوصل في إصدارات منها لما يوازي 4 آلاف جنيه مصري هقولكوا منين أرخص مكان نشتريها منه في آخر البوست🔽 نيجي للبرفيوم نفسه،أول حاجة هتشميها لما ترشيه هي ريحة الحوامض:البرجاموت و الماندرين المنعشين و معاهم روايح زهرية قوية :ورد أحمر و ياسمين،بس بعد ما تشميه هتدخل ريحة الخوخ،وبعد ما يثبت على جلدك هتبان جدا ريحة خشب الصندل والباتشولي و المسك القوية المستخدمة كقاعدة ليه البرفيوم ده في رأيي مناسب للفئد العمرية من